Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

በሰላም እረፍ ጋሽ አሴ

(Soleyana Shimeles Gebremichael)Image result for (Soleyana Shimeles Gebremichae

 

7ተኛ ክፍል እያለሁ ሴት አያቴ አረፈች፡፡ የማውቀው የቅርብ የስጋ ዘመድ ሃዘን የሷን ነው፡፡ ቀብሯ እለት ማታ እናቴ “እማማ ቀብራቸው እንዴት እነዳማረላቸው አንዴ ቀና ብለው ባዩት” ስትል አስታውሳለሁ፡፡ የቀብር ማማር ያኔ አልገባኝም ነበር፡፡ ቀብር የሟች ህይወት ነጸብራቅ እንደሆነ እና እርም ማውጣትም ከሞቱ ይልቅ ለህይወቱ ለሰጠነው ግምት ማሳያ እንደሆነ ከዚያ በኋላ በጥቂት አስታዋሽ አጋጣሚዎች ነበሩኝ ፡፡ የጋሼ አሴ ሞት ግን ትልቁና የቅርቡ ማስታወሻዬ ይመስለኛል፡፡

ጋሽ አሴን ደግነት በቅርብ የሚያውቀው ሁሉ ያውቃል፡፡ አስታወሶ ደዋይ፣ ትምህርት ከምን ደረሰ ፣ ጤና እንዴት ነው የሚል ብርቱ ጠያቂ ነበር፡፡ ሰንቴ ስልኩን ስላላነሳሁ ወቀሳ ቢጤ ጣል አድርጎብኝ ያውቃል፡፡ ( ስልኩን ሳላለነሳ ቀርቼ ከዛሬ ነገ እደውላለሁ ስል ነው የሞቱ ዜና የመጣው)

ጋሽ አሰፋ ፓለቲካ እና በዙሪያው ያለው ልዩነት ብዙ የሚያሳስበው ሰው አልነበረም ፡፡ ማንም ላይ ምንም ጉዳይ ላይ ሲያመር አላውቅም፣ ባወቅኩት አጭር ጊዜ! ከሱ ጋር አለመስማማትንም በግል ወስዶትም አያውቅም ፡፡ ከሃሳቡ ጋር እነደማልስማማ ስነግረው ይቺ ደሞ አሁን አወቅኩ ብላ አይነት ፈገግታ ፊቱ ላይ እያሳየ ብናውን ፉት እያለ “ምን መሰለሽ ልጆች ያልገባችሁ ብዙ ነገር አለ…” ብሎ ነበር ንግግሩን የሚጀምረው፣ ብዙዎች ፓለቲካ ልዪነትን ከሞት እስከስደት ከማግለል እስከ ማጥቂያ በሚጠቀሙበት ዘመን ልዩነት ጋሽ አሴን ጉዳዩም አልነበረም፣ ባለፈው ለመጽኃፍ ምርቃቱ የመጣ ሰሞን ቡና ሊጠጣ ካልዲስ ሲገባ ወረቀት ዘረጋግቼ ሳጠና አገኘኝ ትንሽ ላዘናጋሽ አለና ወሬ ጀመርን (ከዚያ በሁዋላ ፈተና እንዴት ሆነ ሊል ስንቴ ደወለ) የማልስማማበት የምለውን ጉዳይ በጥሞና ሰምቶ ከት ብሎ ረጅም ሳቅ ሳቀ፣ ከመከፋት ይልቅ “ምን አይነት ልምድ ነው እንዲህ የሚያሳስባት አንዴት ባወራት ነው የሚገባት”” የሚል መገረም ያለው ሳቅ ነበር ፡፡ አልገባሽም” ብሎ ነበር ማስረዳቱን የቀጠለው ……….

Image may contain: 1 person

ጋሽ አሴ ስደት ነፍስና ስጋን እንዴት እንደሚያጣብቅ በጥልቅ የገባውና ከተኮሳተረ “ምክንያታዊ” ከሚመስል ንግግር መሃል ፍራስትሬሽንን እና ስሜትን ለይቶ ማየት ይችል ነበር፡፡ ደግነትና ልምዱ ረድተውት ይመስለኛል፡፡ የስደት ልምዱን ሲያወራ እዚህ ከገባሁ ሳይሆን እንዲህ ተሰማኝ ፣ እንዲህ ሆንኩ ሳይሆን ይሄ ሲሆን እንዲህ አሰብኩ ነበር የሚለው ፡፡ አንድ ሁለት ቀን ለዚሁ ጉዳይ ደውሎም እስቲ let us talk this through ብሎኝ ያውቃል፡፡ ስሜት የቀላቀለበት ወሬ እንዳወራው ማበረታታቱ ነበር ፡፡ ለምን እንደሆነ አላውቅም ስልክ ብደውል ሁልጊዜ የሚያነሳ ፣ በፈለኩ ሰአት የማገኘው ይመስለኝ ስለነበር ፡፡

የጋሼ አሴ ቀብር በአገሩ መሆኑ ስላሴም መሆኑ አጽናኝ ነው፡፡ እናቶቻችን ጥንት የገባቸውን ቀብራችን የመኖራችን ነጻብራቅ መሆን ከእድሜ እና ስደት ጋር ሲገለጥልኝ ጋሼ አሴን እንኳንም ለአገሩ አበቃው እንኳንም በስደት አልቀረ ብያለው ፡፡
በሰላም እረፍ ጋሽ አሴ! ቀብርህ እንዳማረልህ ተስፋ አደርጋለሁ፡፡

Posted by on May 5, 2017. Filed under አማርኛ/Amharic. You can follow any responses to this entry through the RSS 2.0. Both comments and pings are currently closed.