Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

የአፍሪካ ኅብረት ለቀድሞ የኢትዮጵያ መሪዎች ሐውልት እንዲቆምላቸው ወሰነ

በአዲስ አበባ ሲካሄድ በቆየው 29ኛው የአፍሪካ ኅብረት የመሪዎች ስብሰባ፣ ለቀድሞው የኢትዮጵያ ንጉሠ ነገሥት ቀዳማዊ ኃይለ ሥላሴና ለቀድሞው ጠቅላይ ሚኒስትር መለስ ዜናዊ በኅብረቱ ግቢ ውስጥ የመታሰቢያ ሐውልት እንዲቆምላቸው ተወሰነ፡፡

የውጭ ጉዳይ ሚኒስቴር ቃል አቀባይ ጽሕፈት ቤት ለሪፖርተር በላከው መግለጫ፣ ይህ ለኢትዮጵያውያን ታላቅ ድል መሆኑን አስታውቋል፡፡ ውሳኔውም ኢትዮጵያውያን በማንኛውም ሥርዓትና ጊዜ ለአፍሪካውያን ታማኞች መሆናቸውን ያረጋገጠ ነው ብሏል፡፡

ለእነዚህ የቀድሞ መሪዎች በኅብረቱ ግቢ የመታሰቢያ ሐውልት እንዲቆምላቸው ተደጋጋሚ ጥረት ሲያደርግ የቆየው መንግሥት ጥረቱ በመሳካቱ ደስታውን መግለጹ ታውቋል፡፡ አፍሪካውያን በመሪዎቻቸው አማካይነት ለአፍሪካ አንድነት ድርጅት፣ እንዲሁም ለአፍሪካ ኅብረት መመሥረትና መጠናከር የኢትዮጵያ ሕዝቦችና መንግሥታት በየትውልዱ ላደረጉት አስተዋጽኦ የተሰጠ ክብር ነው ብሏል፡፡

ቃል አቀባይ ጽሕፈት ቤቱ ማክሰኞ ሰኔ 27 ቀን 2009 ዓ.ም. በተጠናቀቀው 29ኛው የአፍሪካ ኅብረት የመሪዎች ስብሰባ ላይ፣ ለቀድሞ የአገሪቱ መሪዎች ክብርና አስተዋጽኦ ሐውልት እንዲቆምላቸው የተላለፈው ውሳኔ ለእያንዳንዱ ኢትዮጵያውያን የተሰጠ ሽልማት ነው ያለው ጽሕፈት ቤቱ፣ ለ50 ዓመታት ሙሉ የየአገሮችን መሪዎች ቆመው መንገድ ላይ በክብር ሲያሳልፉ ከልጅነት እስከ ዕውቀት ኃላፊነታቸውን የተወጡ አያሌ ኢትዮጵያውያን አሉ ብሏል፡፡

ከዚህ ቀደም ለቀድሞው የጋና ፕሬዚዳንት ክዋሜ ንክሩማ በኅብረቱ ግቢ የመታሰቢያ ሐውልታቸው በቆመ ወቅት፣ ለኅብረቱ መመሥረት ከፍተኛ ሚና ለተጫወቱት ለቀዳማዊ ኃይለ ሥላሴ ሐውልት ባለመሠራቱ በብዙዎች ዘንድ ቅሬታ መፍጠሩ ይታወሳል፡፡

ሪፖርተር

Posted by on July 6, 2017. Filed under አማርኛ/Amharic. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *