Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

የገቢዎችና ጉምሩክ ባለሥልጣን የቀድሞ ምክትል ዋና ዳይሬክተር ከአገር ሊወጡ ሲሉ በቁጥጥር ሥር ዋሉ

በኢትዮጵያ ገቢዎችና ጉምሩክ ባለሥልጣን በመንግሥት የተሰጡ መብቶች ማስፈጸሚያ ንዑስ የሥራ ሒደት ምክትል ዋና ዳይሬክተር፣ ከአገር ሊወጡ ሲሉ በቁጥጥር ሥር ዋሉ፡፡

የቀድሞዋ ምክትል ዳይሬክተር ወ/ሮ ዓለምፀሐይ ግርማይ በቁጥጥር ሥር የዋሉት፣ በመንግሥት ላይ ከዘጠኝ ሚሊዮን ብር በላይ ጉዳት አድርሰዋል ተብለው ተጠርጥረው መሆኑን የፌዴራል ፖሊስ መርማሪ ቡድን አስታውቋል፡፡

ተጠርጣሪዋ ምክትል ዋና ዳይሬክተር ሆነው ሲሠሩ ለተለያዩ ድርጅቶች ከቀረጥ ነፃ እንዲያስገቡ ከተፈቀዳላቸው በላይ እንዲያስገቡ መፍቀዳቸውን፣ መርማሪ ፖሊስ ለፍርድ ቤት አስረድቷል፡፡

ከተፈቀደው በላይ ከገቢ ዕቃዎች መንግሥት ከቀረጥ ገቢ ማግኘት ይገባው የነበረውን 9,099,328 ብር እንዲያወጣ ማድረጋቸውንም ለፍርድ ቤት አስረድቷል፡፡ ግለሰቧ በተጠረጠሩበት ጉዳይ ፖሊስ በማጣራት ላይ እያለ፣ ከአገር ሊወጡ ሲሉ በቁጥጥር ሥር እንደዋሉም አስረድቷል፡፡Image result for ኢትዮጵያ ገቢዎችና ጉምሩክ ባለሥልጣን

መርማሪ ፖሊስ የተለያዩ የሰነድ ማስረጃዎችን ከተለያዩ መሥሪያ ቤቶች መሰብሰቡንና ለኦዲት ማቅረቡን፣ የኦዲተሮችን የምስክርነት በቃል መቀበሉንም አስረድቷል፡፡ የተጠርጣሪዋን ቃል መቀበል፣ የምስክሮችን ቃል መቀበልና ሌሎች ሥራዎችን በማከናወን ለዓቃቤ ሕግ ማስረከብ እንደሚቀረው በመግለጽ፣ 14 ቀናት የምርመራ ጊዜ እንዲፈቀድለት ጠይቆ ፍርድ ቤት ፈቅዶለታል፡፡

ሪፖርተር

Posted by on August 6, 2017. Filed under አማርኛ/Amharic. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *